Новы дом Ромы Кагадоўскага таксама згарэў
![Новы дом, які нядаўна згарэў / mlyn.by](/sites/default/files/styles/gallery_main/public/2023-08/Dom2.jpg.webp?itok=FSO2evpb)
Новы дом, які нядаўна згарэў / mlyn.by
Новы дом Ромы Кагадоўскага таксама згарэў, піша mlyn.by. Летась 12-гадовы хлопчык выратаваў з палаючага дома ў вёсцы Сідаровічы Мядзельскага раёна свайго маленькага брата, сам пацярпеў, перанёс дзясяткі аперацый, быў узнагароджаны ордэнам "За асабістую мужнасць".
Пасля пажару сям'я жыла ў арэндным доме і будавала новы дом. Маці Ромы Марыя Стадольнік кажа, што здарэнне адбылося ў суботу ўвечары. Перад гэтым яна з мужам там наводзіла парадак на кухні: "Частка мэблі была ўжо сабраная, тэхніку пакуль не ўсталёўвалі. Напрацаваліся, стаміліся, а таму пайшлі да маці мужа, якая жыве непадалёк, каб адпачыць і папіць кавы". Пра тое, што дом гарыць, паведаміў сусед.
"Ацалеў толькі пакой Ромы, астатнія выгарэлі знутры. Так што не будзе наваселля…", — з сумам кажа жанчына. Прычына ўзгарання пакуль невядомая.
Сам Рома Кагадоўскі вучыцца ў ліцэі МУС.
![Новы дом Ромы Кагадоўскага таксама згарэў](/sites/default/files/styles/default_image_paragraph/public/paragraphs/image/000022_1636464562_468642_big.jpg.webp?itok=Ge3wUhd9)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.