Новак Джокавіч шосты раз перамог на турніры Australian Open
Новак Джокавіч, які ўзначальвае сусветны рэйтынг тэнісістаў, стаў пераможцам адкрытага чэмпіянату Аўстраліі па тэнісе. Гэта шостая запар перамога серба на турніры Australian Open.
У вырашальным матчы мужчынскага адзіночнага разраду Джокавіч выйграў у другой ракеткі планеты брытанца Эндзі Марэя — 6:1, 7:5, 7:6 (7:3). Іх паядынак працягваўся 2 гадзіны 58 хвілін.
Пераможцай Australian Open-2016 у жаночым адзіночным разрадзе стала нямецкая тэнісістка Ангеліка Кербер. Гэтая шостая ракетка свету ў фінале спаборніцтваў сенсацыйна адолела найлепшую тэнісістку планеты амерыканку Серэну Уільямс. Гэтая перамога стала для Кербер першым выйгрышам турніру серыі "Вялікага шлема".
Нагадаем, што чэмпіёнкай юніёрскага жаночага турніру стала 17-гадовая беларуска Вера Лапко.
Сярод мужчынскіх пар перамогу святкаваў брытанска-бразільскі тандэм Джэймі Марэй / Бруна Саарэс, у жанчын найлепшай была індыйска-швейцарская пара Санія Мірза / Марціна Хінгіс. Сярод змяшаных параў першае месца заваявалі расіянка Алена Весніна і бразілец Бруна Саарэс.
