Нік Бэйлен, верагодна, прапусціць чэмпіянат свету па хакеі

Абаронца хакейнага клуба "Дынама-Мінск" Нік Бэйлен можа прапусціць чэмпіянат свету па хакеі, які пройдзе сёлета ў траўні ў Расіі. Пра гэта хакеіст паведаміў у праграме "PROспорт" на тэлеканале "Беларусь-5".

"Першапачаткова меркавалася, што я прапушчу шэсць месяцаў. Шэсць тыдняў ўжо ззаду. Планаваў згуляць за зборную Беларусі на чэмпіянаце свету, але завяршэнне майго аднаўлення намечана толькі на чэрвень. Лекары кажуць, што цалкам здаровы я павінен быць да пачатку сезона, які стартуе ў верасні. Але, спадзяюся, сыграю і ў кваліфікацыйным турніры ў жніўні", — цытуе словы хакеіста партал tut.by.

Нагадаем, што ў 2014 годзе Бэйлен атрымаў беларускае грамадзянства. З гэтага года ён можа гуляць за нашу зборную на афіцыйных міжнародных турнірах.