Нецвярозы кіроўца на "Аўдзі" праехаў міма даішнікаў на хуткасці амаль 200 км/г
![Нецвярозы кіроўца на "Аўдзі" праехаў міма даішнікаў на хуткасці амаль 200 км/г](/sites/default/files/styles/gallery_main/public/2023-08/3bkje6vzek8.jpg.webp?itok=CmSTx_ce)
Нецвярозы кіроўца на "Аўдзі" праехаў міма даішнікаў на хуткасці амаль 200 км/г. Як паведамляе прэс-служба ДАІ Гродзенскай вобласці, здарэнне адбылося ўвечары 27 чэрвеня каля Скідзеля на аўтадарозе М6 "Мінск — Гродна". Перавышэнне хуткасці склала 97 км/г. Аўтамабіль спынілі. Паколькі ў кіроўцы былі "відавочныя прыкметы алкагольнага ап'янення", яго завезлі на медасведчанне. Аднак яго праходзіць ён адмовіўся. Паводле яго слоў, выпіў у нядзелю 0,5 літра піва.
27-гадоваму мужчыне пагражае вялікі штраф (5800 рублёў) за адмову ад медасведчання і пазбаўленне права на кіраванне на 5 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.