Нечаканая залева затапіла мінскія вуліцы (фота, відэа)

Пад вечар у пятніцу, 18 траўня, у Мінску нечакана пайшоў моцны дождж. Шмат якія вуліцы затапіла. Мінчукі адразу пачалі выкладаць у сацсетках фота і відэа дажджу і падтопленых вуліцаў.

Сэрвіс "Яндэкс.Заторы" паведамляе пра 10-бальныя заторы на сталічных дарогах. Сур'ёзныя цяжкасці ўзніклі на вуліцах Гамарніка, Мірашнічэнкі, Якуба Коласа, Сурганава, Нямізе, Леніна, Першамайскай, Казлова, Аранскай, Смаленскай, праспектах Машэрава і Незалежнасці (ад Бабруйскай да Гарадскога Вала і ад Леніна да Янкі Купалы).