“Нармандская чацвёрка” можа сабрацца на наступным тыдні

“Нармандская чацвёрка” можа сабрацца на наступным тыдні, калі гэтага запатрабуе рэалізацыя мінскіх пагадненняў. Пра гэта паведаміў па выніках саміту ЕС у Бруселі прэзідэнт Францыі Франсуа Аланд.

У прыватнасці, Аданд адзначыў, што калі прызначанае на нядзелю перамір’е набудзе моц, на наступным тыдні павінна адбыцца абмеркаванне па тэлефоне ў фармаце “нармандскай чацвёркі”. Гэта дазволіць вызначыць, ці выконваюцца дамоўленасці.

Французскі прэзідэнт таксама паведаміў, што ў выпадку неабходнасці ў наступныя тыдні будзе праведзеная асабістая сустрэча лідараў краін “нармандскай чацвёркі”, перадаюць замежныя інфармагенцтвы.

12 лютага ў Мінску адбылася сустрэча прэзідэнта Францыі Франсуа Аланда, канцлера Германіі Ангелы Меркель, расійскага лідара Уладзіміра Пуціна і ўкраінскага прэзідэнта Пятра Парашэнкі. Лідары краін “нармандскай чацвёркі” 16 гадзін абмяркоўвалі крызіс ва Украіне. Асноўныя вынікі падпісанага мемарандуму: спыненне агню з 15 лютага, адвод цяжкай тэхнікі, абмен палоннымі.

Фота: AFP

Апошнія навіны

Галоўнае

Выбар рэдакцыі