Вы тут

"Нафтан" купляе на летні перыяд амаль 200 ровараў

Фота pixabay.com

Адкрытае акцыянернае таварыства "Нафтан" абвясціла тэндэр на закупку 186 ровараў, пішуць "Народныя навіны Віцебска".

Наваполацкі нафтазавод хоча закупіць звычайныя дарожныя ровары. Як прыклад у заяўцы пазначаныя мадэлі ААТ "Мотавела". У тэндэры фігуруюць тры пазіцыі:

1) мадэль 28-130 (класічны ровар з 28-цалёвымі коламі, сталёвай рамай і барабанным тормазам) — 161 штука;

2) мадэль 28-160 (ёсць пярэдні абадны тормаз і пярэдні багажнік з кошыкам) — 4 штукі;

3) мадэль 28-240 (аналагічная 28-130, але з "жаночай" рамай) — 21 штука.

Мяркуючы па коштах на сайце "Мотавела", на гэтую партыю ровараў "Нафтану" давядзецца выдаткаваць каля 35 000 рублёў. Закупка робіцца за свой кошт. Тэрмін пастаўкі — да канца траўня.