Надвор'е на надзелю: дажджы, навальніцы і вельмі горача

На большай частцы тэрыторыі краіны чакаюцца дажджы, навальніцы, у асобных раёнах — моцныя залевы. Удзень магчымы град. Вецер няўстойлівы ўмеркаваны, пры навальніцах магчымае шквалістае ўзмацненне парывамі да 15-20 метраў за секунду.





Тэмпература паветра ўначы складзе плюс 13-20 градусаў, удзень — 23-28 градусаў, месцамі па поўдні — да +30, перадае БЕЛТА са спасылкай на Белгідрамет.