Нацыянальны статыстычны камітэт: Даходы беларусаў знізіліся на 15%
На 15% зменшыліся рэальныя грашовыя даходы беларусаў у студзені 2009 года ў параўнанні са снежнем 2008-га. Пра гэта паведаміў Нацыянальны статыстычны камітэт нашай краіны. Як адзначае БЕЛТА, летась даходы жыхароў Беларусі ўзраслі амаль на 13% у параўнанні з 2007 годам. Аднак уплыў сусветнага фінансавага крызісу на беларускую эканоміку сёлета спыніў гэтую пазітыўную дынаміку.
