На выезд з Беларусі ў Польшчу ўтварыліся вялікія чэргі легкавых аўтамабіляў
![На выезд з Беларусі ў Польшчу ўтварыліся вялікія чэргі легкавых аўтамабіляў](/sites/default/files/styles/gallery_main/public/2023-08/miazha-0311.jpg.webp?itok=0npb-ThZ)
На беларуска-польскай мяжы 3 лістапада ўтварыліся вялікія чэргі з легкавых аўтамабіляў на выезд у Польшчу. Як інфармуе прэс-служба Дзяржаўнага памежнага камітэта, на 10 гадзінаў раніцы ў пункце пропуску "Брузгі" ў чарзе стаяць каля 200 легкавікоў, у пункце пропуску "Бераставіца" — больш за 120 аўтамабіляў.
Памежнікі паведамляюць, што аўтамабілі не могуць трапіць на тэрыторыю Польшчы пасля праходжання ўсіх відаў кантролю ў Беларусі.
Паведамляецца, што праблемы ўзніклі ў польскіх мытнікаў — у іх перабоі ў праграмным забеспячэнні.