На выезд з Беларусі ў Еўрасаюз сабраліся чэргі з 3,5 тысячы фур
Фуры на беларускай мяжы / ілюстрацыйнае фота
Больш за 3,5 тысячы фур стаяць у чэргах на выезд з Беларусі ў Еўрасаюз. Такія дадзеныя на 14:00 20 лістапада распаўсюджвае Дзяржаўны памежны камітэт.
Дадзеныя сабраныя ад аператараў зоны чакання сістэмы электроннай чаргі перад пунктам пропуску. За ўезд у гэтую зону чакання трэба плаціць, а абмінуць яе нельга, нават калі чаргі няма. Гэта такі дадатковы падатак на выезд з Беларусі, які збірае бізнес, блізкі да сям'і Лукашэнкі.
Больш за ўсё грузавікоў на дадзены момант сабралася на беларуска-літоўскім пункце пропуску "Каменны Лог". Там выезда з Беларусі чакаюць 810 грузавікоў. На пенкце пропуска "Бераставіца" на беларуска-польскай мяжы чарга не нашмат карацейшая: у ёй больш за 650 машын. На ўезд у Латвію праз "Грыгараўшчыну" стаіць больш за 460 фур.
ДПК тлумачыць чэргі тым, што памежнікі і мытнікі з краінаў ЕС павольна афармляюць дакументы.
