На турэцкім курорце афіцыянт зарэзаў турыста з Брэста

Віктар Галадко з жонкай Юліяй. Фота са старонкі "Вконтакте".
Віктар Галадко з жонкай Юліяй. Фота са старонкі "Вконтакте".

Увечары ў суботу, 23 верасня, у турэцкім горадзе Турунч непадалёк ад буйнога курорта Мармарыс загінуў турыст з Беларусі. Турэцкі партал Hurriyet.com.fr паведамляе, што 28-гадовы Віктар Галадко з Брэста памёр пасля таго, як 17-гадовы служачы гатэля некалькі разоў ударыў яго нажом.

Віктар разам з жонкай і сынам паляцелі ў Турцыю 19 верасня. У той жа дзень сям'я засялілася ў трохзоркавы гатэль "Каліпса" у Турунчы. Беларусы збіраліся адпачываць там тыдзень.

На турецком курорте официант зарезал туриста из Бреста
Загінулы беларус з жонкай і сынам. Фота са старонкі "Вконтакте".

Адпачынак праходзіў выдатна — жонка Віктара Галадко Юлія апублікавала пра яго нямала фота ў сацсетках. Але ўвечары 23 верасня ў Віктара здарыўся канфлікт з афіцыянтам. Беларус хацеў выпіць, а афіцыянт казаў, што бар зачынены.

Ніхто не хацеў саступаць, і, слова за слова, спрэчка перарасла ў бойку. У пэўны момант афіцыянт схапіў нож для нарэзкі хлеба і двойчы ўдарыў ім беларуса.

Раненні прыйшліся ў вобласць печані. Персанал гатэля неадкладна выклікаў карэту хуткай дапамогі. Але Віктар памёр яшчэ да таго, як медыкі прыбылі на месца здарэння.

Афіцыянт затрыманы. Паліцыя працягвае расследаванне.

Апошнія навіны

Галоўнае

Выбар рэдакцыі