На тэрыторыю беларускага пасольства ў Літве закінулі магільную свечку

Пасольства Беларусі ў Літве / DELFI
Пасольства Беларусі ў Літве / DELFI

Гэтай ноччу на тэрыторыі пасольства Беларусі ў Вільні ўзнік пажар. Дапамогі ратавальнікаў не спатрэбілася — агонь патух натуральным чынам. Пра гэта расказалі ў паліцыі літоўскай сталіцы.

Інцыдэнт адбыўся пасля паўночы. Невядомы закінуў на тэрыторыю амбасады лампадку — такія звычайна пакідаюць на могілках. У паліцыі ёсць падазрэнне, што лампадка была напоўненая лёгкаўзгаральнай вадкасцю.

"У Вільні на вуліцы Міндаўгаса невядомы кінуў на тэрыторыю пасольства Рэспублікі Беларусь магільную свечку, напоўненую лёгкаўзгаральнай вадкасцю, у выніку чаго ўзнік пажар, які згас сам",гаворыцца ў зводцы. Паліцыя праводзіць расследаванне па факце замаху на псаванне маёмасці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі