На станцыі ў Столінскім раёне эвакуявалі 25 чалавек праз безгаспадарную сумку
![На станцыі ў Столінскім раёне эвакуявалі 25 чалавек праз безгаспадарную сумку](/sites/default/files/styles/gallery_main/public/2023-08/haryn-2502.jpg.webp?itok=VB0UUrtn)
Пасажыраў і персанал чыгуначнай станцыі ў Столінскім раёне эвакуявалі з-за безгаспадарнай сумкі, перадае БЕЛТА са спасылкай на УУС Брэсцкага аблвыканкама.
Здарэнне адбылося 23 лютага ў 16:10 у рабочым пасёлку Рэчыца. На пероне чыгуначнай станцыі людзі пабачылі безгаспадарную дарожную сумку і затэлефанавалі ў міліцыю. Супрацоўнікі міліцыі ачапілі патэнцыйна небяспечнае месца і эвакуявалі 25 чалавек — пасажыраў і работнікаў станцыі.
Выкліканыя на месца здарэння сапёры не знайшлі выбуховых прадметаў. Неўзабаве стаў вядомы і ўладальнік сумкі. Гэта 43-гадовы жыхар вёскі Язвінкі, які па п'яні забыўся свае рэчы. На яго склалі адміністрацыйны пратакол за з'яўленне ў грамадскім месцы ў нецвярозым выглядзе. Мужчыну пагражае штраф — да 204 рублёў (восем базавых велічынь).
Затрымкі цягнікоў на станцыі ў выніку здарэння не было.