На рэйсе "Белавія" страціў прытомнасць пасажыр, самалёт вярнуўся ў Алматы

На рэйсе "Белавія" з Казахстана ў Беларусь страціў прытомнасць пасажыр, самалёт вярнуўся ў Алматы. Як паведамляе прэс-служба авіякампаніі, здарэнне адбылося падчас набору вышыні. Першую дапамогу аказала лекар, якая ляцела ў якасці пасажыра. Яна і рэкамендавала экіпажу вярнуцца ў аэрапорт Алматы, што і было зроблена. Там пасажыра перадалі медыкам. Ён, дарэчы, ужо збіраецца ляцець у Мінск наступным рэйсам.

У выніку самалёт "Белавія" прыляцеў у Беларусь з двухгадзіннай затрымкай.

"Белавія" знаходзіцца пад заходнімі санкцыямі, таму спіс краін, у якія яна можа здзяйсняць палёты, абмежаваны.