На праваслаўнае Раство ў Мінску абмарозіліся 9 чалавек
За апошнія суткі на станцыю хуткай дапамогі ў беларускай сталіцы з абмаражэннямі звярнуліся 9 чалавек, пераважна моладзь. Пра гэта Еўрарадыё паведаміў кіраўнік аператыўнага аддзелу станцыі хуткай медыцынскай дапамогі Мікалай Стрэльскі. Стрэльскі: За апошнія суткі дзевяць, пераважна моладзь. Разнастайны кантынгент, але пераважна 15-19 гадоў. З гэтых дзевяці, якія звярнуліся, брыгадамі хуткай дапамогі ў лякарні дастаўленыя 9 чалавек.
