На плошчы Незалежнасці ў Мінску адбыўся разгон акцыі і хапун

Традыцыйная акцыя пратэсту прайшла ў Мінску на плошчы Незалежнасці ўвечары 26 жніўня. Яе адрозненне ад папярэдніх акцыяў было ў тым, што яна завяршылася хапуном. 

Яшчэ перад акцыяй да плошчы было падагнана шмат аўтазакаў. Міліцыянты групаваліся з розных бакозў плошчы — за педуніверсітэтам, за Чырвоным касцёлам.

Каля 20:30 акцыю пачалі разганяць, адбыўся хапун. Колькасць затрыманых невядомая.

Каля 100 чалавек апынуліся заблакаванымі ў Чырвоным касцёле. На плошчы амапаўцы затрымлівалі мужчын, а жанчын пакідалі. 

Пасля 21-й дзверы касцёла адчынілі, і людзі змаглі выйсці. 

Еўрарадыё вяло стрым з акцыі на плошчы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.