Беларуска-ўкраінскую мяжу ў Пінскім раёне разам з памежнікамі ахоўваюць дэсантнікі, паведамляе Пінскі райвыканкам.
Вайскоўцы ахоўваюць масты, пераправы ды іншыя аб'екты. На шэрагу аб'ектаў выстаўленыя блокпасты. Па Пінскім раёне працягвае перамяшчацца вайсковая тэхніка — гэта таксама тлумачаць узмацненнем участкаў дзяржмяжы.
Раней Аляксандр Лукашэнка неаднаразова заяўляў, што беларускае войска не ваюе ва Украіне, але забяспечвае надзейныя тылы расіянам, якія вядуць баявыя дзеянні.
