На пажары пад Капылём уратавалі 240 цялят
Пажар здарыўся ў вёсцы Комсічы ўвечары 6 чэрвеня.
Калі ратавальнікі прыбылі на месца, то ўбачылі, што адкрытым полымем гарыць дах пераходнай галерэі цялятніка. На момант узгарання там знаходзілася 240 цялят ва ўзросце да 1 года. Жывёл эвакуявалі яшчэ да прыбыцця пажарных.
Агонь пашкодзіў 120 квадратных метраў даху пераходнай галерэі, але не закрануў сам цялятнік. Пацярпелых сярод жывёл і людзей няма.
Мяркуецца, што прычынай пажару стала парушэнне правілаў уладкавання і мантажу печак, цеплагенеравальных агрэгатаў і прыладаў, інфармуе БелаПАН.