На новых станцыях мінскага метро ўсталявалі аўтаматычныя ахоўныя дзверы

На новых станцыях мінскага метро ўсталявалі аўтаматычныя ахоўныя дзверы

На новых станцыях мінскага метро ўсталявалі аўтаматычныя ахоўныя дзверы. Гаворка пра чатыры станцыі трэцяй лініі — "Вакзальная", "Кавальская Слабада", "Плошча Францішка Багушэвіча" і "Юбілейная плошча". Сістэма бяспекі з такімі дзвярыма — новаўвядзенне для мінскага метро. Дзякуючы ёй, пасажыры не ўпадуць на рэйкі, піша "Рэспубліка".

Ахоўныя дзверы (экраны) усталяваны на краю платформы — на кожнай станцыі па 40. Яны выраблены з празрыстага тэрмаабарончага шкла, якое не б'ецца, мае таўшчыню 9 мм. Іх вышыня складае 170 сантыметраў. Дзякуючы сэнсарным датчыкам, экраны адкрываюцца і закрываюцца сінхронна з дзвярыма вагонаў цягніка.

Спецыялісты кажуць, што падобныя аўтаматычныя ахоўныя экраны можна ўсталяваць і на дзейных станцыях метро. Аднак для гэтага спатрэбіцца складаная падрыхтоўчая і тэхнічная праца.

Мяркуецца, што ўрачыстае адкрыццё новых станцый адбудзецца напярэдадні прэзідэнцкіх выбараў, прызначаных на 9 жніўня.

На новых станцыях мінскага метро ўсталявалі аўтаматычныя ахоўныя дзверы
sb.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі