На мяжы з Літвой зноў затрымалі больш за сотню мігрантаў
Больш за сто чалавек затрымалі на мяжы з Літвой за апошнія суткі / pasienis.lt
Літоўская памежная служба ўночы на нядзелю затрымала 160 мігрантаў з Беларусі, якія незаконна спрабавалі перасекчы мяжу. А агульная колькасць спыненых бежанцаў сёлета перавысіла 1000 чалавек.
— Многія мігранты расказваюць падобныя гісторыі. Яны нібыта вучыліся ва ўніверсітэце ў Гродне, і мясцовыя ўлады ўвялі новую плату для такіх студэнтаў. Іх нібыта выселілі са студэнцкіх інтэрнатаў і прымусілі пакінуць Беларусь, — паведамляе сайт МУС Літвы.
У 2021 годзе 1098 нелегальных мігрантаў з Беларусі спрабавалі ўехаць у Літву. Гэта амаль у дванаццаць з паловай разоў больш, чым было летась.
Нагадаем, у сувязі з павелічэннем колькасці мігрантаў Літва ўзмацніла бяспеку мяжы з Беларуссю.
