На мяжы з Літвой зноў сабраліся чэргі грузавікоў
На беларуска-літоўскай мяжы зноў сабралтся значныя чэргі грузавікоў. Па стане на 12.00, на выездзе з Беларусі чакалі болей за 780 машын. Гэта вынікае з інфармацыі на сайце Дзяржаўнага памежнага камітэта. У Каменным Логу было болей за 300 фураў, у Катоўцы — 160,у Беняконях — 162, у Прывалцы — 164 машыны.
Заторы ёсць і на латвійскай мяжы: у Грыгароўшчыне — 50 грузавікоў, ва Урбанах — 100. На польскай мяжы чэргі на выезд з Беларусі ў Брузгах (84), у Бераставіцы (58), у Казловічах (15). На ўкраінскай мяжы істотных чэргаў няма.
