На мяжы Літвы і РБ з'явіўся банер з патрабаваннем паказаць Мікалая Статкевіча
![На літоўска-беларускай мяжы](/sites/default/files/styles/gallery_main/public/2024-02/21.jpg.webp?itok=cUhPY2et)
На літоўска-беларускай мяжы / t.me/belsat/
На мяжы Літвы і Беларусі з'явіўся вялізны банер з патрабаваннем паказаць Мікалая Статкевіча, паведамляе "Белсат". Звестак пра палітвязня няма ўжо больш за год. Апошні ліст ад мужа Марына Адамовіч атрымала 9 лютага 2023 года.
Міжнародную кампанію "Пакажыце Статкевіча!" ў пачатку лютага арганізавалі родныя і знаёмыя палітыка. Да Мікалая Статкевіча не пускаюць адваката, ад яго і да яго не даходзяць лісты, перададзеныя лекі вяртаюць, тэлефанаванні і пераводы забароненыя.
Мікалаю Статкевічу 67 гадоў. Ён — падпалкоўнік запасу, былы кіраўнік Беларускага згуртавання вайскоўцаў, лідар Беларускай сацыял-дэмакратычнай партыі (Народная Грамада). Статкевіча затрымалі 31 траўня 2020-га, ад таго часу ён за кратамі. У снежні 2021-га яго асудзілі на 14 гадоў зняволення за "арганізацыю масавых беспарадкаў" (праходзіў па адной справе з Сяргеем Ціханоўскім). З чэрвеня 2022 года знаходзіцца ў калоніі № 13 у Глыбокім у вельмі цяжкіх умовах: яго трымаюць то ў адзіночнай камеры ПКТ, то ў камеры ШІЗА.
![На мяжы Літвы і РБ з'явіўся банер з патрабаваннем паказаць Мікалая Статкевіча](/sites/default/files/styles/default_image_paragraph/public/paragraphs/image/22_112.jpg.webp?itok=CX8lNc99)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.