На Міншчыне карупцыі стала менш, а на Брэстчыне адзначаны яе рост
Дадзеныя аб колькасці зарэгістраваных у першым паўгоддзі 2013-га карупцыйных злачынстваў апублікаваў Белстат.
Агулам па краіне ў гэты перыяд адбылося больш за 47 тысяч злачынстваў, з іх 1401 — карупцыйнай скіраванасці. У параўнанні з першым паўгоддзем 2012 года адзначаны невялікі іх рост (на 13,2%).
У Мінскай вобласці адзначанае змяншэнне карупцыйных злачынстваў — сёлета іх 151, гэта 71,6% да аналагічнага перыяда мінулага года. А вось у Брэсцкай вобласці такіх злачынстваў зарэгістравана 182 — 191,6% да першага паўгоддзя 2012 года. Больш карупцыі таксама стала на Гомельшчыне і Гродзеншчыне, а вось на Віцебшчыне таксама адзначана невялікае зніжэнне злачынстваў карупцыйнай скіраванасці.
