Колькасць карупцыянераў у 2026 годзе вырасла на 12,5%

За першае паўгоддзе 2026-га за карупцыю асуджаныя 342 чалавекі. Са студзеня па чэрвень 2025-га іх было 304 — то-бок, іх стала больш на 12,5%, паведаміла прэс-служба Вярхоўнага суда.

150 чалавек асудзілі за хабар, 122 — за крадзеж шляхам злоўжывання службовымі паўнамоцтвамі, а 28 — за перавышэнне ўлады. Яшчэ чацвёра прызнаныя вінаватымі ў пасярэдніцтве ў хабарніцтве, а яшчэ двое — ў бяздзеянні службовай асобы.

141 карупцыянер пакараны тэрмінам у калоніі. На "хімію" адправіліся 116 асуджаных. Для чатырох чалавек асноўнай мерай пакарання стала пазбаўленне права займаць пэўную пасаду або займацца пэўнай дзейнасцю (для 292 асуджаных такую ​​меру прызначылі дадатковай).

294 чалавекі мусяць заплаціць штрафы (для двух штраф стаў асноўным пакараннем). Аднаго чалавека абмежавалі па вайсковай службе, а 14 у якасці дадатковага пакарання пазбавілі вайсковага або спецыяльнага звання.