На месцы "Сучасніка" ў Мінску будзе зялёная зона
![Кінатэатр "Сучаснік" знеслі / @minsknews_by](/sites/default/files/styles/gallery_main/public/2023-08/sovremennik_10_08.jpg.webp?itok=XmX0kYFx)
Кінатэатр "Сучаснік" знеслі / @minsknews_by
У Мінску знеслі былы кінатэатр "Сучаснік". "Минск-Новости" кажа, што будынак пачалі зносіць яшчэ ў чэрвені 2023-га. А цяпер ідуць "работы па добраўпарадкаванні ўчастка". Гэтую тэрыторыю вырашылі далучыць да Турчынскага сквера.
Кінатэатр "Сучаснік" на вуліцы Харкаўскай быў пабудаваны ў пачатку 70-х гадоў ХХ стагоддзя. Гэта быў тыпавы праект. У новым стагоддзі гэты і яшчэ два мінскія кінатэатры вырашылі перапрафіляваць у раённыя ДК. Перабудоўваць "Сучаснік" павінен быў турэцкі інвестар. Абяцаў стварыць культурна-забаўляльны цэнтр з гасцініцай, дыска-клубам, кіназалай, спартыўным цэнтрам. Але будоўля апынулася спачатку замарожаная, а потым і закансерваваная. У выніку мінскія ўлады вырашылі знесці кінатэатр. "Іншае будаўніцтва тут пакуль не прадугледжваецца", заявіла зімой старшыня камітэта будаўніцтва і інвестыцый Мінгарвыканкама Ірына Гонтарава.
![На месте "Современника" в Минске будет зеленая зона](/sites/default/files/styles/default_image_paragraph/public/paragraphs/image/sovremennik2_10_08.jpg.webp?itok=sJJwDefB)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.