На дрэвах у Завадскім раёне Мінска з'явіліся БЧБ-стужачкі

На дрэвах у Завадскім раёне Мінска з'явіліся БЧБ-стужачкі. Некалькі фота даслалі ў рэдакцыю Еўрарадыё чытачы.

Паўтара гады таму, калі масавыя пратэсты яшчэ не былі задушаныя, стужачкі "апазіцыйных" колераў часта з'яўляліся ў самых розных месцах па ўсёй Беларусі. Але спачатку ўлады пачалі пераследаваць тых, хто іх вывешваў, як удзельнікаў несанкцыянаваных масавых мерапрыемстваў. А потым стужачкі і іншую сімволіку ў белым і чырвоным колерах аб'явілі "экстрэмісцкай".

Цяпер такія акцыі праходзяць унутры Беларусі вельмі рэдка.