На даляглядзе рост цэнаў і дарагія крэдыты: вынікі эканомікі Беларусі за паўгода
![Нізкі рост цэнаў з беларусамі ненадоўга / pexels.com](/sites/default/files/styles/gallery_main/public/2023-08/%D0%B3%D0%BB%D0%B0%D0%B2%D0%BD%D0%B0%D1%8F_125.jpg.webp?itok=0RyuS9Zk)
Нізкі рост цэнаў з беларусамі ненадоўга / pexels.com
У найбліжэйшыя месяцы ВУП можа вырасці да 3% у гадавым вылічэнні, але заплаціць за гэта давядзецца ростам цэнаў. Пакуль інфляцыя нізкая праз жорсткае рэгуляванне. Але чым даўжэй улады працягваюць стрымліваць цэны і падганяць рост эканомікі, тым горшай потым будзе сітуацыя з інфляцыяй.
Пра гэта расказаў прадстаўнік BEROC Анатоль Харытончык падчас прэзентацыі экспрэс-аналізу працы беларускай эканомікі за першае паўгоддзе 2023 года.
Улады надта імкнуцца да прыгожых лічбаў
У чэрвені беларуская эканоміка працягнула расці, аднак нашмат павольней у параўнанні з папярэднімі месяцамі. Усяго за паўгода рост атрымаўся 2%.
![На горизонте рост цен и дорогие кредиты: итоги экономики Беларуси за полгода](/sites/default/files/styles/default_image_paragraph/public/paragraphs/image/%D0%92%D0%92%D0%9F_1.png.webp?itok=lN3-5dOG)
— Падтрымліваў рост эканомікі ў чэрвені рост інвестыцый, а спажывецкі попыт заставаўся прыкладна на ўзроўні траўня. Гэта тым не менш з'яўляецца досыць высокім узроўнем, прыкметна вышэйшым за даваенныя паказчыкі. З боку вонкавага попыту ў другім квартале падтрымка беларускай эканомікі аслабла. І, імаверна, імпульс да росту экспарту паступова сыходзіць на нішто.
Калі гаворка ідзе пра рост інвестыцый, гэта перадусім тычыцца інвестыцый у асноўны капітал, гэта значыць, у машыны, абсталяванне, транспарт, будаўніцтва.
— Па другім квартале будаўніцтва было адным з ключавых фактараў росту ВУП. Зразумела, што гэты рост, які мы назіралі ў апошнія месяцы, кварталы, падтрымліваецца мяккай грашова-крэдытнай палітыкай, патанненнем крэдытных рэсурсаў, у цэлым павышэннем іх даступнасці. Імаверна, таксама граюць ролю адміністрацыйныя рычагі.
Так улады хочуць дасягнуць паказчыкаў па росце ВУП.
![На горизонте рост цен и дорогие кредиты: итоги экономики Беларуси за полгода](/sites/default/files/styles/default_image_paragraph/public/paragraphs/image/2_230.jpg.webp?itok=o7iFJMbi)
Рэч у тым, што падвышаны попыт, праз які расце ВУП, цісне на рост цэнаў, а цэны не могуць расці. Таму пакуль інфляцыя захоўваецца нізкай.
— У чэрвені гадавы рост цэнаў зноў перапісаў гістарычны мінімум — 2,86%. Пакуль зразумела, што інфляцыйны ціск, які паступова нарастае, не пераходзіць непасрэдна ў рост цэнаў шырокім фронтам дзякуючы татальнаму кантролю з боку ўрада. Гэта значыць, дзейнічае 713 пастанова.
Разам з тым мэтазгодна назіраць за інфляцыяй у нерэгуляваных паслугах, бо яны наўпрост 713 пастанове не падуладныя. І рост цэнаў нерэгуляваных паслуг у чэрвені застаўся каля 10%.
Гэта высокі паказчык, і ён можа казаць пра тое, што ціск на цэны з боку ўнутранага попыту ёсць, адзначае Харытончык.
Эксперт прагназуе, што ў найбліжэйшыя месяцы рост ВУП у гадавым выражэнні хутчэй за ўсё складзецца каля 3%. Але як будуць адчуваць сябе людзі, улічваючы праблему ціску на інфляцыю? Пакуль асаблівых праблем відаць не будзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.