На беларуска-польскай мяжы мігрант напаў з нажом на польскага салдата
![На польска-беларускай мяжы, ілюстрацыйнае фота](/sites/default/files/styles/gallery_main/public/2023-10/granica.jpg.webp?itok=hVNlAR1P)
На польска-беларускай мяжы, ілюстрацыйнае фота / twitter.com/Straz_Graniczna
На мяжы Беларусі і Польшчы мігрант напаў з нажом на польскага вайскоўца. Пра гэта заявіў намеснік міністра ўнутраных спраў і адміністрацыі Чэслаў Мрочэк у эфіры Першага канала польскага радыё. Пацярпелага даставілі ў бальніцу. Траўма выявілася сур'ёзнай, але на цяперашні момант жыццю салдата нічога не пагражае.
"Сёння з раніцы я атрымаў вельмі нядобрую інфармацыю пра тое, што аднаго з салдатаў, якія спрабавалі спыніць перасячэнне мяжы, ударылі нажом", — заявіў Мрочэк. Паводле яго, ціск на мяжу ўзмацняецца, павялічваецца і ступень агрэсіі мігрантаў. "Яны спрабуюць фарсіраваць мяжу вялікімі групамі, якія фармуюцца пры падтрымцы беларускіх службаў", — падкрэсліў прадстаўнік польскага МУС.
Паводле звестак польскай памежнай службы, за апошнія тры дні нелегальна перасячы польска-беларускую мяжу спрабавала больш за 630 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.