На 62-м годзе жыцця памёр прэзідэнт В'етнама
![На 62-м годзе жыцця памёр прэзідэнт В'етнама](/sites/default/files/styles/gallery_main/public/2023-08/2018-09-21t051110z_455578430_rc190214e840_rtrmadp_3_vietnam-president-death.jpg.webp?itok=MCoyolAZ)
Раніцай 21 верасня на 62-м годзе жыцця памёр прэзідэнт В'етнама Чан Дай Куанг. Здарылася гэта ў бальніцы. У прэзідэнта было цяжкае захворванне. Працяглы час ён з'яўляўся кіраўніком "сілавікоў", краіну ўзначаліў два гады таму. Чан Дай Куанг быў 10-м прэзідэнтам В'етнама.
Чан Дай Куанг наведваў Беларусь з афіцыйным візітам у чэрвені 2017 года (гл. відэа), сустракаўся з Аляксандрам Лукашэнкам. Прэзідэнт В'етнама заявіў у Мінску пра "вялізны патэнцыял для развіцця супрацоўніцтва [паміж краінамі] у многіх сферах".
![На 62-м годзе жыцця памёр прэзідэнт В'етнама](/sites/default/files/paragraphs/image/0000191535871477316208big.jpg)
Аляксандр Лукашэнка і Чан Дай Куанг на Кастрычніцкай плошчы ў Мінску, 2017 год. Фота: БЕЛТА