На 18 ліпеня сіноптыкі зноў абвясцілі ў Беларусі аранжавы ўзровень небяспекі
Аранжавы ўзровень небяспекі абвешчаны ў Беларусі 18 ліпеня з-за навальніц. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Уначы ў асобных раёнах, а ўдзень на большай частцы тэрыторыі краіны пройдуць кароткачасовыя дажджы, навальніцы. Уначы і зранку ў асобных раёнах прагназуецца слабы туман. Вецер будзе паўночна-ўсходні 4-9 метраў за секунду, пры навальніцах — з парывамі да 14 метраў за секунду.
Уначы тэмпература паветра будзе +13...+19, удзень — ад 23 да 29 вышэй за нуль.
