Мокры снег прагназуюць у Беларусі на гэтым тыдні

У аўторак, 13 лістапада, у Беларусі прагназуецца пераважна хмарнае надвор'е, паведамляе Белгідрамет. 

Будзе ў асноўным без ападкаў, толькі ў асобных раёнах па паўночным захадзе краіны магчымыя невялікія дажджы. Вецер чакаецца паўднёвы парывісты, у асобных раёнах да моцнага. 

Уначы тэмпература паветра будзе ад 4 градусаў марозу да 2 цяпла, удзень прагназуецца 0...+6. Найбольш цёпла будзе на захадзе краіны: уначы — 3-6 вышэй за нуль, удзень — 7-10 са знакам "плюс".

14 лістапада надвор'е ў Беларусі будзе вызначаць актыўны атмасферны фронт, які змяшчаецца з Балтыйскага мора. Часам чакаюцца ападкі ў выглядзе дажджу і мокрага снегу. Па ўсходняй палове краіны месцамі прагназуецца галалёд, наліпанне мокрага снегу. Вецер будзе пераменных напрамкаў умераны, уначы парывісты. 

Слупок тэрмометра ўначы пакажа -4...+3 градусы, па захадзе краіны чакаецца 4-7 цяпла. Удзень прагназуюць ад -2 градусаў па ўсходзе да +9 градусаў па захадзе Беларусі.