25 кастрычніка ў Беларусі магчымы мокры снег
25 кастрычніка ў Беларусі чакаецца воблачнае з праясненнямі надвор'е, паведамляе Белгідрамет.
На большай частцы тэрыторыі пройдуць кароткачасовыя дажджы. Як удакладняе БЕЛТА, па паўночным усходзе краіны магчымы мокры снег.
Вецер будзе паўночна-заходні, днём з пераходам на паўднёва-заходні, парывісты. Уначы і зранку па паўднёвым захадзе прагназуецца парывісты вецер да 15-20 метраў за секунду.
Уначы тэмпература паветра будзе ад нуля да 5 градусаў цяпла, удзень яна падымецца да +3...+9.
