Мокры снег і слабая завея чакаюцца ў Беларусі 3 студзеня

У чацвер, 3 студзеня, у Беларусі чакаецца воблачнае надвор'е, паведамляе Белгідрамет. 

Паводле прагнозаў сіноптыкаў, часам будзе снег, мокры снег, слабая завея. На асобных участках дарог прагназуецца галалёдзіца. Вецер чакаецца паўночны ўмераны, па захадзе парывісты. 

Тэмпература паветра на працягу сутак будзе ад нуля да 5 градусаў марозу.