Моцны парывісты вецер і дажджы прагназуюць у Беларусі на 28 траўня
У суботу, 28 траўня, у Беларусі чакаецца воблачнае з праясненнямі надвор'е, паведамляе Белгідрамет.
На большай частцы тэрыторыі пройдуць кароткачасовыя дажджы, у асобных раёнах прагрымяць навальніцы. Вецер будзе заходні парывісты. Уначы месцамі, а ўдзень на большай частцы тэрыторыі прагназуюць моцныя парывы — да 15-20 метраў за секунду.
Тэрмометры ўначы пакажуць 3-9 цяпла, удзень чакаецца +11...+17.
