Мітрапаліт Веніямін — пра святкаванне 7 лістапада: "Не ўсё так адназначна"
Мітрапаліт Веніямін / minsknews.by
Мітрапаліт Мінскі і Заслаўскі Веніямін не святкуе Дзень Кастрычніцкай рэвалюцыі.
Па яго словах, якія перадаюць "Мінск-Навіны", хоць дзень 7 лістапада абвешчаны святочным, але "не ўсё так адназначна".
"Дзень, які абвешчаны святам, але ён паклаў пачатак змене хады гісторыі расійскай дзяржавы, і ўсё гэта паўплывала на гісторыю Беларусі. Не ўсё так адназначна. Я не святкую гэты дзень, але мы ўзносім малітву, каб не паўтарыліся працэсы, якія адбываліся ў нашым грамадстве ў тыя дні, напрыклад, грамадзянская вайна. Мы молімся, каб запанавалі мір і згода", — кажа кіраўнік Беларускай праваслаўнай царквы.
