Мінскія міліцыянты пачалі патруляваць горад на скутэрах
Скутэры паступілі на ўзбраенне патрульна-паставой службы міліцыі Мінску. Яны будуць выкарыстоўвацца для патруляванняў у лесапаркавай зоне і месцах масавага збірання людзей. Пакуль купленыя 8 кітайскіх скутэраў. Яны развіваюць хуткасць да 60
кіламетраў за гадзіну пры мінімальным расходзе паліва – да 2 літраў на
100 км. Скутэры мабільныя і маюць добрую прахадзімасць. Калі
эксперымент апраўдае сябе, то ўжо сёлета будзе куплена да 40 адзінак
такога віду транспарту, інфармуе “Наша ніва”.
