Мінскіх студэнтаў затрымалі за пагрозу ўзарваць банк
Двое маладых людзей пакінулі на стойцы перад касавым акенцам запіску з тэкстам: “Я ўзарву гэты банк! Заўтра, не жартую!”
Пасля знаходжання цыдулкі ў банк прыехалі сапёры, наведнікаў і супрацоўнікаў эвакуявалі, выбухоўкі не знайшлі.
Міліцыя знайшла аўтараў запіскі ўсяго за некалькі гадзінаў. Гэта студэнты БНТУ і Мінскага аўтамеханічнага каледжа. Хлопцаў узялі пад варту, перадае БЕЛТА.
Самі затрыманыя патлумачылі, што проста хацелі праверыць прафесіяналізм міліцыі. Дзеянням затрыманых даюць прававую ацэнку.