Мінскае “Дынама” атрымала перамогу над жодзінскім “Тарпеда-БелАЗ”
У нядзелю прайшлі чарговыя матчы 18-га тура чэмпіянату Беларусі па футболе. Мінскае “Дынама” атрымала перамогу над жодзінскім “Тарпеда-БелАЗ” — 1:0. Голам, забітым на 83-й хвіліне гульні, адзначыўся Арцём Кійко.
“Шахцёр” разграміў “Мінск” — 3:0, а “Славія” згуляла ўнічыю 1:1 з “Гомелем”.
“Шахцёр” захаваў за сабой першы радок у турнірнай табліцы, ён мае 43 ачкі, у “Дынама” — 40, у БАТЭ — 39 ачкоў.
