Мінскае "Дынама" прайграла па булітах "Адміралу" з Уладзівастока (відэа)

Мінчукі тройчы вялі ў ліку, але госці кожны раз яго зраўнівалі. Шайбы ў дынамаўцаў на рахунку Іргла, Калюжнага, Плата. У авертайме закінутых шайбаў не было, усё вырашылі буліты, якія больш удала выканалі госці. Іргл, Мацярухін і Плат не прабілі брамніка гасцей.

Адзначым, што на матчы прысутнічалі 13230 гледачоў.

Пасля 23 матчаў у каманды Аляксандра Андрыеўскага 24 ачкі і яна разам са "Слованам" знаходзіцца "на дне" канферэнцыі "Захад".

Наступны паядынак мінскае "Дынама" правядзе 13 лістапада ў гасцях з магнітагорскім "Металургам".
 

Фота — hcdinamo.by