Мінскае "Дынама" неўзабаве можа памяняць назву на "Нафтахімік"
Гэта адбудзецца, калі гандбольны клуб разарве адносіны з таварыствам "Дынама".
Як піша "Прессбол", гэтыя намеры чэмпіёна Беларусі сур'ёзныя. Нібыта, да гэтага клуб падштурхнула змена кіраўніцтва ў таварыстве. Гандбалісты замест дапамогі ад "Дынама", мусяць плаціць самую дарагую арэнду ў трэніровачных залах сталіцы — за гадзіну трэніроўкі ў дынамаўскім спарткомплексе на вуліцы Даўмана патрабуюць 500 тысяч рублёў.
Ужо пададзеныя дакументы на рэгістрацыю таварыства з абмежаванай адказнасцю "ГК "Нафтахімік".
Фота — dinamohandball.by
