Мінскае "Дынама" атрымала першую перамогу ў чэмпіянаце КХЛ (відэа)
У аўторак на "Мінск-Арэне" каманда Аляксандра Андрыеўскага выйграла ў браціслаўскага "Слована" — 2:0 (0:0, 0:0, 2:0).
Першая шайба на рахунку Аляксея Яфіменкі, ён вызначыўся на 52-й хвіліне. Гэта першая шайба хакеіста ў Кантынентальнай хакейнай лізе. На 60-й хвіліне Мікфлікер кідком у пустую браму робіць лік 2:0.
Нагадаем, у першых двух матчах чэмпіянату КХЛ мінскае "Дынама" набрала толькі 1 ачко, цяпер іх стала 4.
У чацвер, 12 верасня, дынамаўцы прымаюць пражскі "Леў", пачатак а 19-й гадзіне.
Фота — hcdinamo.by
