Мінскае "Дынама" абыграла "Чэхаўскіх мядзведзяў"
У сераду прайшоў таварыскі матч беларускай і расійскай мужчынскіх гандбольных дружын.
На пляцоўцы Рэспубліканскага цэнтру алімпійскага рэзерву "Дынама" святкавала перамогу з лікам 35:27 (17:13). Самым выніковым быў Дзяніс Рутэнка, які закінуў 12 мячоў.
Нагадаем, учора дынамаўцы саступілі з лікам 27:30.
11 жніўня чэмпіён Беларусі правядзе таварыскі матч з украінскім клубам "ЗТР", пачатак у 17.30.