Мінск не прыме матчы чэмпіянату Еўропы-2020
У Жэневе 19 верасня вызначыўся спіс гарадоў, якія прымуць матчы EURO'2020.
Мінск фігураваў у ліку прэтэндэнтаў на правядзенне трох паядынкаў групавой стадыі і адной сустрэчы 1/8 фіналу. Але, на жаль, наша сталіца засталася за бортам чэмпіянату Еўропы, піша "Прессбол".
Гаспадарамі спаборніцтваў стануць наступныя гарады: Лондан (фінал і паўфіналы), Мюнхен, Баку, Санкт-Пецярбург, Рым (чвэрцьфіналы), Капенгаген, Бухарэст, Амстэрдам, Більбао, Будапешт, Брусэль, Глазга (3 матчы групавой стадыі і 1/8 фіналу).
Фота — footliga.info
