Міністрам абароны Нямеччыны ўпершыню ў гісторыі стала жанчына
Партыйны блок Хрысціянскі дэмакратычны саюз / Хрысціянскі сацыяльны саюз (ХДС-ХСС) размеркаваў свае міністэрскія партфелі ў новым урадзе.
На пасадзе кіраўніка міністэрства абароны Нямеччыны ўпершыню апынулася жанчына, перадае РБК. Гэта прадстаўніца хрысціянскіх дэмакратаў, былая міністр працы і сацыяльных спраў Урсула фон дэр Ляен.
Па словах старшыні ХДС, канцлера Ангелы Меркель, яе аднапартыйцы ўзначалілі пяць міністэрстваў (не лічачы пасады кіраўніка ведамства федэральнага канцлера). Тры міністэрствы адышлі да ХСС. На чале ўрада засталася Меркель.
Фота — ntv.ru
