Мінінфарм ізноў прыпыняе дзейнасць выдавецтва "Кнігазбор"
Дырэктар выдавецтва "Кнігазбор" Генадзь Вінярскі / racyja.com
Мінінфарм з 22 снежня на адзін месяц прыпыняе дзейнасць прыватнага выдавецтва "Кнігазбор".
Прычына фармальная: нібыта выдавецтва не звярнулася ў неабходныя тэрміны з інфармацыяй пра змяненне нейкіх звестак.
Сёлета гэта ўжо другі напад Мінінфарма на выдавецтва. У траўні дзейнасць "Кнігазбору" прыпынялі на тры месяцы з тых жа прычынаў.
У кастрычніку дзяржаўная "Белкніга" скасавала дамову з "Кнігазборам" ды іншымі прыватнымі выдавецтвамі на распаўсюд літаратуры.
