Мінчука збілі за тое, што прайшоў у прыбіральню без чаргі (відэа)

У мінскім Burger King мужчыну збілі за тое, што прайшоў у прыбіральню без чаргі. 

Як паведамляе прэс-служба ГУУС Мінгарвыканкама, у прыбіральню стаяла чарга з некалькіх мужчын. 33-гадовы мінчук не спыніўся ў агульнай чарзе. Гэта не спадабалася кампаніі 24-гадовых прыяцеляў, якая стаялі перад ім. Яны вырашылі "павучыць ветлівасці". Калі мінчук выйшаў з прыбіральні, на яго напалі. Збіўшы парушальніка чаргі, хлопцы сышлі.

Вывучыўшы запісы відэакамер, міліцыянты затрымалі нападнікаў. Паведамляецца, падчас бойкі яны былі нецвярозыя.

За групавое хуліганства ім пагражае да шасці гадоў пазбаўлення волі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.