Мінчанка купіла цукерку, а там быў упакаваны... брусок з ДСП (фота)
Пакупку жанчына зрабіла 9 жніўня ў кіёску "Белсаюздруку" на Раманаўскай слабадзе.
Як паведамляе сайт onliner.by, яна вельмі здзівілася, калі адкрыла ўпакоўку цукеркі "Мішка на паляне" ад "Камунаркі". "Унутры ляжаў брусок ДСП!" — сцвярджае жанчына, якая зрабіла здымкі незвычайнай цукеркі.
У гандлёвым аддзеле "Белсаюздруку" мяркуюць, што мінчанцы прадалі... муляж — памылілася прадавец. Жанчыну запэўнілі, што калі яна верне кавалак ДСП, ёй абавязкова выдадуць сапраўдную цукерку.