Мінабароны: расійскія вайскоўцы працягваюць прыбываць у Беларусь

Расійскія вайскоўцы, якія ўваходзяць у склад рэгіянальнай групоўкі войскаў, прыбываюць у Беларусь, паведамляе Мінабароны.

Міністэрства выклала фотасправаздачу з расійскімі вайскоўцамі ў Беларусі.

Лукашэнка заявіў, што "рэгіянальная групоўка войскаў" патрэбна выключна для абароны. Ён жа сказаў, што ў Беларусь прыедуць тысячы расійскіх вайскоўцаў. Пры гэтым у Беларусі яны ўжо ёсць з пачатку "вучэнняў", якія выліліся ў напад на Украіну з беларускай тэрыторыі 24 лютага. Дакладная колькасць іх у Беларусі невядомая.