Мільярдэр Міхаіл Хадаркоўскі выйшаў з калоніі і паляцеў у Нямеччыну

Хадаркоўскі выйшаў з карэльскай калоніі ў пятніцу, 20 снежня. Як інфармуе РІА "Новости", ён ужо знаходзіцца за мяжой, куды паляцеў на самалёце.

Spiegel: Міхаіл Хадаркоўскі паедзе ў Швейцарыю
 

Міхаіл Хадаркоўскі — адзін з самых вядомых расійскіх алігархаў, кіраваў буйной нафтавай кампаніяй "ЮКОС". На момант арышту ў 2003-м лічылася, што Хадаркоўскі валодаў 15 млрд долараў. Цяпер яму 50 гадоў. Ён быў асуджаны за махлярства і іншыя злачынствы, а яго кампанія была прызнаная банкротам. Расійскія і нямала замежных праваабаронцаў лічылі Міхаіла Хадаркоўскага "вязнем сумлення".

Многія эксперты сумняваліся, што ён зможа выйсці на волю пакуль ва ўладзе знаходзіцца Уладзімір Пуцін. Лічыцца, што яны — асабістыя ворагі. Аднак учора Пуцін заявіў, што Хадаркоўскі напісаў прашэнне і ён будзе памілаваны. На волю мільярдэр мусіў выйсці ў жніўні 2014 года.
 

"КоммерсантЪ": Хадаркоўскі папрасіў памілавання пасля гутаркі з сілавікамі
 

Фота — ria.ru